Athena & Adrian (#香港婚紗攝影 + #婚禮攝影服務) @ 16 Sept 2023
⭐⭐⭐⭐⭐ 5分滿分評語
服務 / 婚宴日期: 2023.9.16
之前見到Siu Ming Photo 幫朋友結婚影啲相同片都好好睇，啲style都好華麗，係我鍾意嘅style，再加上攝影師當時嘅態度好好，就同朋友攞咗contact，期間我都有同其他攝影公司做吓比較，做完功課之後都係比較喜歡Siu Ming嘅style~🤣
我同先生都覺得攝影師好nice，態度好真誠，上到去studio都唔會 hard sell 我哋，反而都係以介紹作品為主，又會好細心咁問我哋嘅喜好。成個溝通過程都表現得非常專業，仲俾時間我哋慢慢考慮。我哋都覺得氛圍好舒服，最後決定Pre-wedding同bigday都交俾Siu Ming Photo。😆 本身Pre-wedding影嘅地點都係我哋自己揀，攝影師都有俾啲suggestion我哋，不過佢都非常尊重我哋嘅諗法，跟足我哋嘅plan🥰。
拍攝前攝影師都會問我哋想影啲咩style，或者有咩角度想影，喺pose呢方面我哋都有啲特定嘅pose，攝影師都會盡量配合返我哋。Bigday當日都有其他助手一起拍片，大家都好好🌟，佢哋都會幫手排位，幫手照顧吓啲老人家，氣氛都帶動得好好😚。屋企人 全部 都好開心，大家都覺得攝影師俾嘅指示好清晰，影出嚟啲相又好靚。💯
我覺得攝影師嘅態度好值得讚賞，全程真係好nice，又好配合我哋💕，我仲記得影pre-wedding嗰陣，天氣好熱，我先生就一路飆汗，佢都會提醒我哋要抹吓，如果唔係張相就會睇到啲汗喇🥹！最重要係攝影師可以令新人好安心，有乜疑惑只要一message佢，佢就好快會覆返我哋😆!
Big day當日, Siuming團隊之間合作得好好，大家都有事先溝通好分別影邊個shot，我覺得最細心係當晚酒席好多好重要嘅moment，佢哋都會自己走位拍攝，但又唔會阻到啲guest嘅視線，出黎成品好好，每張相都好有藝術感同電影感，睇番啲相都會好記得每一個當日嘅moment🥰。