Michelle (#周年紀念攝影 #18周年 #影樓婚攝)
4.5分評語
服務 / 婚宴日期: 2024.09.20
我係上網搵到 Siu Ming Photo ，當時主要係諗住影 18 周年結婚相，因為見佢哋有影過其他couple嘅10周年婚攝，加上Siu Ming Photo 回覆問題都好快，所以就選擇咗搵佢哋✨。 同攝影師Siu Ming 溝通嘅時候，我覺得佢哋反應都幾快，回覆唔會等太耐，有啲咩查詢都會答到我哋。我哋都冇咩特別要求，主要係想影啲簡單嘅紀念相，唔係要好辛苦嗰一種。Siu Ming Photo 都有建議過影旗袍嘅時候可以去室外，但最後因為我哋想簡單啲，決定留喺室內，佢哋都冇硬性要求，完全配合我哋嘅選擇， 溝通上都係有商有量👍。
喺拍攝當日，攝影師Siu Ming令我哋覺得好輕鬆，唔會有太大壓力，有陣時會有少少幽默感，我哋都唔會有太緊張嘅感覺。 我哋都好信任攝影師，拍攝嘅途中，其實大家都係feel free咁隨時提出任何嘅意見，攝影師應該睇得出我哋想要啲咩，就係一啲簡單嘅紀念相，所以都係好自然咁影🥰。仲有Siu Ming同化妝師嘅配合都幾好，佢哋會留意到好多細節🌟，例如化妝師會即時幫我整理裙尾，攝影師亦會留意到有冇道具或者背景需要調整， 一路影，但一路都留意到好多嘢，確保成個拍攝過程順利。就算我哋自己冇留意到啲細節，佢哋Siu Ming Photo 主動幫手，完全唔洗我哋擔心。 化妝師化妝之前都會問一問我嘅喜好或者想要啲咩效果， 我覺得佢化得都幾好💕。至於相片嘅效果，我自己覺得好滿意，冇太大嘅落差。其實拍攝完幾日後，佢哋都有俾幾張相我哋睇下，都覺得冇乜大問題😆。