Winnie & Jason (#香港婚紗婚影 + #婚禮攝影服務) @ 27 Sept 2021
⭐⭐⭐⭐⭐ 5分評語
服務 / 婚宴日期: 2021.9.27
之前朋友婚禮用過Siu Ming Photo，我哋見影得好靚，所以一直都有留意到Siu Ming Photo呢間公司 🤣 我哋覺得Siu Ming Photo嘅風格比較啱我哋，再加上朋友用過，同事嘅服務態度又好好，喺我心目中好加分，就搵咗佢哋。主要都係 Siu Ming 本人同我哋對接，佢都唔會特别hardsell我哋，反而好細心講解啲配套俾我哋，整個過程都覺得好舒服，唔會覺得好大壓力。 👍🏻 Siu Ming 對於我哋提出嘅疑問都覆得好快，有啲咩問題佢都可以解答到，所以我哋就直接join咗pre-wedding+bigday嘅攝影服務。
Pre-wedding我哋就揀咗去布拉格影。拍攝前Siu Ming都會同我哋傾吓啲地點，問我哋輯相想要嘅效果，咁就可以配合到我哋嘅要求。佢都非常熟悉布拉格呢個地方，所以景點方面我哋就全權交俾SiuMing去負責。👍🏻 拍攝嗰陣，我哋就發現 Siu Ming 係一個好幽默嘅人，佢會好落力引我哋笑，又會教我哋唔同嘅pose影相，嗰日氣氛都好好，我同太太都影得好投入。另外，我哋都覺得 SiuMing 真係非常專業，其實我屋企人同我哋一起去咗布拉格，所以可能行程上我哋有少少delay，不過佢完全冇一句怨言，仲唔介意影好耐，亦都唔會話夠鐘就返或者額外每個鐘開始收費charge我哋，反而好有耐性，係不停影到我哋覺得滿意為止。
Bigday當日，佢好早就已經到女家嗰邊get ready，無論男家或女家，佢嘅表現都好好，好多大合照都會幫手睇吓構圖，排吓屋企人啲位先再影，又教啲親友點擺pose， Siu Ming都有俾啲preview photo我哋睇，我同太太都覺得好靚，角度光線拿捏得好好。好多賓客都話啲相同片好好睇，好感動，自然又唔做作。🤩 團隊之間都幾有默契，講一句就知道各自要做啲咩，同我哋都相處得好融洽，一啲都唔覺得緊張🥰 。如果有朋友要結婚，我一定第一個就介紹Siu Ming Photo俾佢哋！